Bos días alumn@s de 3º
Hoxe continuaremos repasando o tema 2 de Sociais: Os mapas e os seus elementos.
Un mapa é a representación plana da totalidade, ou dunha parte, da superficie terrestre: continentes, países, rexións... Os mapas permítenos localizar países, cidades, ríos, montañas, etc.
Mira o seguinte vídeo e descobre os elementos máis importantes dun mapa:
Os mapas tamén poden ter diferentes tipos de información e datos. Segundo a información que presenten, poden ser mapas políticos, mapas físicos ou mapas temáticos.
Tarefa 1: Observa o seguinte mapa e sinala os elementos máis importantes
(podes escribir o nome dos diferentes elementos na túa libreta, non copies o mapa)
Tarefa 2: Clica para acceder á Actividade interactiva. Que tipo de mapa observas?
Escolle a opción correcta: Mapa político, mapa físico ou mapa temático.
Tarefa 3: Reto artístico: Crear un mapa temático orixinal
Debuxa un mapa na túa libreta ou utiliza elementos que teñas na casa.
(Fai unha representación sinxela do mapa que prefiras: mapa de Moaña, mapa de Pontevedra, mapa de Galicia, mapa de España, mapa de Europa, mapa do mundo...)
Escolle un tema (tempo atmosférico, clima, estradas, poboación, animais...) intenta ser orixinal e fai un bonito mapa temático.
Tarefa 4: Imos facer unha investigación en google maps (Pídelle axuda a un adulto)
- Clica aquí para acceder a GOOGLE MAPS
- Escribe o enderezo da túa casa para ver o mapa da zona. Podes clicar en 'satélite' para ver un mapa real da zona. Busca a túa casa e investiga os lugares que máis te interesen (parques, miradoiros...)
Por certo, non me envíes nada... disfruta das vistas e da visita!!
- No apartado ''como chegar'', escribe o enderezo do cole: CEIP de Abelendo.
Eu tardo en chegar ao cole 1hora e 12 minutos andando, 12 minutos en coche e 25 minutos en bici,
e ti canto tardas?
Tarefa Extra: Se tes ganas de seguir practicando cos mapas, podes facer un puzzle con todas as comunidades autónomas de España. Se tes impresora podes pinchar aquí para acceder ao puzzle. Imprime, colorea e xoga aprendendo.
Tamén podes xogar cos seguintes xogos online.
Ollo! É unha actividade extra polo que non tes que enviarme nada. Sólo seguir aprendendo se tes ganas.
Tarefa 5: Lingua Galega
Imos a facer unha lectura 'O soño de Sara'
Clica na seguinte imaxe para ver á lectura e contestar directamente ás preguntas.
Moitísimo ánimo chic@s!!
Data de entrega: 1 de xuño
No hay comentarios:
Publicar un comentario